gossip lanka

කිසිම කළ කිරීමක් නෑ, මම සතුටින් සමුගන්නේ - ක්‍රිකට් පිටියට සමුදෙන්න තීරණය කළ අජන්ත මෙන්ඩිස් කියපු කතාව

ශ්‍රී ලංකා දඟ පන්දු යවන ක්‍රීඩක අජන්ත මෙන්ඩිස් ක්‍රිකට් පිටියෙන් සමු ගැනීමට පසුගියදා තීරණය කර තිබුනා. ඒ අනුව ඊයේ (02) කොළඹදී පැවැති මාධ්‍ය හමුවකදී ඒ සම්බන්ධයෙන් අදහස් දක්වමින් ඔහු කියා සිටියේ තමන් ක්‍රිකට් ක්‍රීඩාවෙන් සමුගන්නේ රැල්ලට හෝ කලකිරීමෙන් නොවන බවයි. එසේම  තමන් ඉදිරියේදී ක්‍රිකට් පුහුණුකරුවෙක් ලෙස කටයුතු කිරීමට සැලසුම් කර ඇති බවද සඳහන් කළ ඔහු එහිදී වැඩිදුරටත් මෙලෙස අදහස් දැක්වුවා.


“කිසිම කළ කිරීමක් නෑ. මම සතුටින් සමුගන්නේ. මගේ ආබාධය නිසා තමයි මට මෙච්චර කල් ක්‍රීඩා කරන්න ලැබුණේ නැත්තේ. මම රැල්ලට සමුගන්නවා නෙමෙයි. රෙජිමේන්තුවේ තරගයක් ගහලා මම සමුගන්න හිටියේ. මම පුහුණුකරුවෙක් ලෙස යන්න බලාපොරොත්තු වෙන්නේ. මොකද මම පුහුණුකරුවෙක් වෙන්න සුදුසුකම් ඔක්කොම ලබලා තිබෙනවා. මගේ දැනුම පළපුරුද්ද බෙදා ගැන්න කැමතියි.

මම අවුරුදු තුන හතරකින් ක්‍රිඩා කරන්නේ නැතිව ජාතික තරගයක් ක්‍රීඩා කරන එක සාධාරණ මදි. මම ෆිට්නස් ගොඩක් කරලා නෑ. යුද හමුදා ග්‍රවුන්ඩ් එකෙන් එළියට යන එකයි මගේ ආසාව. ක්‍රිකට් ආයතනයට මොකවත් කියන්නේ නෑ. ”
gossip lanka