ප‍්‍රශ්න තියෙනවා ඒත් සතුටින් ඉන්නවා - ජනිත් වික‍්‍රමගේ

ජනිත් වික‍්‍රමගේ මේ දිනවල හමුවන්නෙ ජයප‍්‍රකාශ් සිවගුරුනාදන්ගෙ දූවිලි අහසෙ මිගාර ලෙස සහ සඳුන් රාජකරුණාගේ නීල පබළු නාටයයේ රාජ් මෙන්ම සඳරුවන් ජයවික‍්‍රමගෙ නිරාශා නාට්‍යයේ, ලසිත් හෙවත් ලසියා ලෙසයි. විවිධ චරිත රංගනයන් සමග මෙලෙසින් හමුවන ජනිත් ජීවිතයේ සැබෑ අරුත වටහාගෙන ගමනක් යන තාරුණ්‍යයේ චරිතයක් ලෙස නම් කරන්න පුළුවනි. ජනු - 29 ලෙස සෑම ජනවාරියකදීම ලේ දන්දීමක් පවා කරනු ලබන ජනිත් එක්ක කළ පිළිසදරකි මේ.
ජනිත් සතුටින් වගේ?

සතුටින් තමයි ඉන්නෙ. ප‍්‍රශ්න තියෙනවා. ඒක පොදු දෙයක්නෙ. සතුටින් ඉන්න බලනවා.

කොහොමද ජීවිතේ?

මේ දවස් ටිකේ කලා කටයුතු එක්කමයි හිටියෙ. රූගත කිරීම් සහ කළ ඒවා එක්ක.

විශේෂ සතුටට හේතුව විශේෂ කෙනෙක් හමුවීම නේද?

එහෙම නැහැ. එක එක දේ එනවා යනවා. හරියට සුළඟ වගේ. තව මට කාලය තියෙනවා. ඉක්මන් වෙලා දෙයක් කරනවාට වඩා ජීවිත කාලයටම ජීවත්වන කෙනෙක් තෝරා ගැනීමයි. මගේ ජීවිතය තේරුම් ගත්ත කෙනෙක් මාව තේරුම් ගනීවි.

ජනිත් කොහොම කෙනෙක්ද?

සරලව ජීවත් වෙන්න උත්සාහ ගන්නවා. වෘත්තියට උපරිම ගරුත්වයක්, වටිනාකමක් දෙන්න. ඒ වගේම ජීවිතයට වටිනාකමක් දී සමාජයට යමක් ලබා දෙන්න උත්සාහ ගන්න කෙනෙක්.

රඟපෑම ගැන විතරද හිතන්නෙ?

මගේ පුංචි ව්‍යාපාරයක් කරගෙන යනවා. ඒක ගැන හිතනවා. ඇත්තටම කලාවට යොමු වුණාම වෙන දේ කරන්න බැහැ. කලාව විනෝදංශයට කරන්නම බැහැ. ඒකට කැප වී මගේ හැකියාව ඔප නංවා ගන්න දේ කරන්න උත්සාහ ගන්නවා.

එහෙම ගත කරන ජනිත්ගෙ ආර්ථිකය?

හොඳයි, මම අද වන විට ජීවිතයට යමක් ලබාගෙන ඇත්නම් ඒ කලාව නිසා. රැකියාව කළේ වසර 2 කයි. ඉවත් වුණා.  AIA රක්ෂණ සමාගමේ. ඊට පසුව වෘත්තීය නළුවකු වුණා. ව්‍යාපාරයක් කිරීම ලෝකෙ  ඕනෑම වෘත්තීය නළුවන් කරන දෙයක්. අපට ලැබෙන ආර්ථිකය කළමනාකරණය කර ගැනීම කරගන්න  ඕනෑ. රංගනය හොඳම වෘත්තියක්. බොහෝ විට අප යමක් කළ විගස ‘නළු’ ලේබලය ගහ ගැනීම මත නෙවෙයි නළුවකු වන්නෙ. දිගටම වැඩ එනවා නම්, අධ්‍යක්‍ෂවරු ගන්නවා නම්, එයාට අවස්ථා ලැබෙනවා නම්, එයා ස්ථාවර නළුවෙක්. ඒක වන්නේ අපේ ක්ෂේත‍්‍රයේ සිටින විදිය සහ මුදල් කළමනාකරණය කිරීම මත. එය නළුවාට හෝ  ඕනෑම වෘත්තියකට අදාළයි. අපට එකවගේ නිරන්තරයෙන් ඉල්ලූමක් තියෙන්න විදියකුත් නැහැ.

නළුකම තෝරා ගත්තෙ නැත්නම්?

වාණිජ අංශයේ රැුකියාවක් කරන්න තිබුණා. ඒත් කුඩා කාලයේ ඉඳලාම දැක්කෙ කලාව. දෙවැනි තේරීමක් තිබුණෙ නැති තරම්. ක්ෂේත‍්‍රයේ කලකිරීම් තියෙනවා. ඒත් ඒක සෑම ක්ෂේත‍්‍රයකටම පොදුයි. වෙනස තියෙන්නෙ අනෙක් ක්ෂේත‍්‍රවලට වඩා මෙම ක්ෂේත‍්‍රයේ තියෙන පිළිගැනීමයි. ඒක අපි විසින් ආරක්ෂාකර ගත යුතුයි. ජීවිතය කියන්නෙ සමබරව ගත කළ යුතු දෙයක්. බුදු දහම අපට ජීවිතය ගැන කියා දෙන මැදි මාවතේ ගමන නිසාම ප‍්‍රශ්න අඩුයි.

ඔබගෙ සම වයසෙ නිළියක් අතරින් හිත ගිය අය?

ලොකුවට හිතලා නැහැ. ක්ෂේත‍්‍රයේ නොවුණත් නිතර නිතර හමුවීම් මත මිතුරන් වීමම ආදරයක් ප‍්‍රකාශ කළත් ඒක එයාලා පුදුම වේවි. යාළුවාට මේ මොකද වුනේ කියලා. කොහොම වුණත් ගැලපීම සහ තේරුම්ගැනීම මත තමයි ආදරය ඇතිවන්නෙ.

ගෙදර ජීවිතය?

හොඳයි. තාත්තාට සුවවෙලා දැන් රංගනයට ආපසු ඇවිත්. අමාරු කාලයක් අපට තිබුණා. අපි එක්ක කවුද ඉන්නෙ කියලා හරි මිනිස්සු කවුද කියලා අපි අත්දැකීම් ලැබුවා. බොහොම සන්තෝෂයෙන් අපි ජීවත් වෙනවා.

ගෙදරින් ඔබට තියෙන තහංචි?

අනේ නෑ අපට තහංචි දැම්මෙ නැහැ. අපි ඒවා කඩාගෙන ගියෙත් නැහැ. කඩාන නොගියේ අම්මා තාත්තා අපට ප‍්‍රායෝගිකව ජීවිතය ඉගැන්නුව නිසයි. මෑත කාලීන පවුල් අවුල් වෙන්නෙ ළමයින් හදන ක‍්‍රමය මතයි. සල්ලි පොම්ප කරලා ළමයි හදන්න බැහැ. අම්මා තාත්තා සහ ගෙදර බැඳීම් එක්ක තමයි ජීවිතය යා යුත්තෙ. අපේ පවුලේ අපි හතර දෙනා හරි සමීපයි. අපි යමක් කරන්න කලින් හොඳට හිතලා බලලා කරන්නෙ. අම්මා තාත්තාගෙ හිත් රිදේවිද කියලා හිතලා බලලා. අපටම අපි වාරණ දාගෙන.

කී වතාවක් ලේ දන් දුන්නද?

7 වැනි අවුරුද්ද, එළැඹෙන ජනවාරි 26 සෙනසුරාදා නාරාහේන්පිට ලේ බැංකුවේ පැවත්වෙන්නෙ.

උපන් දිනය කවදද?

ජනවාරි 29

ලේ දන්දීම ඊට සාපේක්ෂවද කරන්නෙ?

ඔව්. ඊට ළඟම දිනක සෙනසුරාදා යොදා ගන්නවා. ලේ පයින්ට් 250 ක් එකතු කිරීම අපේ අරමුණයි. එයින් රෝගීන් 1000 කගේ ජීවිතය බේරා ගන්න පුළුවනි.

2019 ට ජනිත්ගේ පණිවුඩය?

සමාජ රැුල්ලකට නොගොස් කලාවට ආදරය කරන අපි ඒ කලාවට හානියක් නොවන නිර්මාණ සමග හොඳ නිර්මාණ එක්ක එකතු වීම තමයි අරමුණ.
gossip lanka