ඔහු මෙසේ පැවසුවේ ඊයේ (27) පාර්ලිමේන්තු
සැසියට සහභාගි නොවීමට එක්සත් ජනතා නිදහස් සන්ධාන මන්ත්‍රීවරුන් තීරණය කිරීමෙන් අනතුරුවය.
මේ සම්බන්ධයෙන් තමන්ගේ අදහස ජනාධිපතිවරයා විසින් පත් කර තිබෙන අගමැති මහින්ද රාජපක්ෂ මහතාට ප්‍රකාශ කළ බව ද වෙල්ගම මන්ත්‍රීවරයා පැවසීය.
"පිළිගන්න නොපිළිගන්න එක මම දන්නෙ නෑ. නමුත් මම මගේ අදහස කියල තියෙන්නේ."
"මේක මුළු රටටම බලපාන ප්‍රශ්නයක්, මුළු රටටම. මුළු රටම ඉවරයිනේ?" ඔහු බීබීසී සිංහල සේවයට ප්‍රකාශ කළේය.
පාර්ලිමේන්තුව තුළ බහුතරයක් නොමැතිව "නටන නාඩගම"ට තමන් අකමැති බව ද කුමාර වෙල්ගම පැවසීය.
