නවසීලන්ත අගමැතිනිය දරු ප්‍රසුතියෙන් පසු රාජකාරියට බිළිඳාත් රැගෙන යයි

තම පළමු දරුවට උපත ලැබීමෙන් සති හයකට පසු නවසීලන්ත අගමැතිනි ජසින්ඩා ආඞ්න් (jacinda ardern) තම බිළිඳා සමඟ රාජකාරියට පැමිණ තිබෙනවා.

අගමැති ධූරය හොබවමින් සිටියදී මාතෘ නිවාඩු ගත් පළමු නවසිලන්ත අගමැතිනිය වන්නේ ද ඇයයි.

නවසීලන්ත අගමැතිනිය ගර්භණී සමයේදීද අගමැති ධූරයේ වගකීම් දරමින් කටයුතු කිරීම කාන්තා නායකත්වයේ ප්‍රගතිය පෙන්නුම් කිරීමේ සංකේතයක්
යැයි බොහෝ දෙනා පෙන්වා දී තිබුණා

ධුරය දරමින් දරුවකුට උපත දුන් දෙවැනි අගමැතිනිය වන්නේ ද ජසින්ඩා ආඞ්නුයි. ඊට පෙර බෙනාසීර් බූතෝ 1990 වසරේදී අගමැති ධූරය දරමින් සිටියදී දරුවකුට උපත දුන්නා.

   “දිනපතා දරුවාට කිරි දීම, නිදි කිරීම සහ දරුවගේ ඇඳුම් ගැන මම හැමතිස්සේම වද වෙනවා. සමහර වෙලාවට කිසිදු උනන්දුවක් නැති දේවල්වලටත් දැන් උනන්දුවක් ඇතිවෙලා. මං මේ දේවල් කරන්නේ පළවෙනි පාරට. හැම අම්මා කෙනෙක්ම මේ අත්දැකීමට මුහුණ දෙනවා. ඊට පස්සේ එය සාමාන්‍ය දෙයක්” යැයි රූපවාහිනි සාකච්ඡාවකට එක්වෙමින් නවසීලන්ත අගමැතිනිය පවසා තිබෙනවා.